काठमाडौं।  नेपाली फिल्म ‘लम्फू’का पोस्टरहरु सार्वजनिक भएका छन् । २०७५ बैशाख २८ मा रिलीज हुने फिल्म ‘लम्फू’का पोस्टरहरु सार्वजनिक भएका हुन् । सार्वजनिक तीन पोस्टरहरु फरक–फरक प्रकृतीका रहेका छन् ।

 

तीनवटै पोस्टरमा नवनायक कबिर खड्कालाई देख्न सकिन्छ् । एक पोस्टरमा कबिर एक्लै देखिएका छन् । अन्य दुई पोस्टरमा भने कबिरको साथमा अन्य कलाकारहरु छन् । अर्को पोस्टरमा तरकारीवाली कुशुम श्रेष्ठ पनि छिन् ।

 

कुशुमले हातमा सेतो गुलाबको फुल लिएकी छन् । उनिसँगै नायिकाद्वय मरिस्का पोखरेल र चाँदनी शर्मा साथै अभिनेता सलोन बस्नेत पोस्टरमा देखिन्छन् । उक्त पोस्टरमा कबिर र मरिस्का रोमान्टिक क्षणमा देखिएका छन् ।

 

तेश्रो पोस्टरमा भने तीन अभिनेताहरु मात्र छन् । कबिरको साथमा सलोन र सञ्जित भण्डारी रहेका छन् । ‘लम्फू’का पोस्टरहरु टौवा क्रियशनले तयार पारेको हो ।

‘लम्फू’लाई पपुलर मल्टिमिडियाको लागि शक्तिबल्दब घोरासैनीले बनाएका हुन् । यो चलचित्रमा भूपतिको लेखन रहेको छ ।