काठमाडौं । फिल्म ‘कान्छी’ को रोमान्टिक गीत सार्वजनिक भएको छ । फिल्म रिलिजको अघिल्लो दिन ‘यो मन रमाउँदै’ बोलको गीत सार्वजनिक भएको हो । अभिनेत्री तथा निर्मात्री श्वेता खड्का र अभिनेता दयाहाङ राई एकअर्काको साथ पाएपछि मन रमाउन थालेको कुरा यस गीतमा गर्दैछन् । 

 

गीतमा अञ्जु पन्त र युवराज चौलागाइको स्वर रहेको छ । दीवाकर भट्टराईको शब्द रहेको गीतमा अर्जुन पोखरेलले मिठो संगीत भरेका छन् । शुक्रवारबाट झण्डै ७० बढी पर्दामा लाग्ने ‘कान्छी’ लाई आकाश अधिकारीले निर्देशन गरेका हुन् ।

 

यस्तै, अभिनेता दयाहाङले ‘कान्छी’ फरक कथावस्तुमा निर्माण नभएपनि प्रस्तुती विल्कुलै नयाँ रहेको बताए । फिल्मको मल्टिप्लेक्समा बुकिङ खुल्ला भइसकेको छ । ग्रामीण भेगकी कान्छीको कथा बोल्ने फिल्ममा पुरुषोत्तम प्रधानको छायांकन छ ।

">