भारत र पाकिस्तानबीचको सम्बन्धले दुनियाँभरि चर्चा पाउने गर्छ । राजनीति होस् वा खेल नै किन नहोस् यी दुई मुलुकबीच सम्बन्धित विषयलाई लिएर खुब रस्साकस्सी हुने गर्छ ।

तर, भारतीय क्रिकेटर विराट कोहलीको समर्थनमा उत्रिएका दुई पाकिस्तानी महिला क्रिकेटरको ट्वीटले भने अहिले पाकिस्तानमा निकै चर्चा कमाएको छ ।

ती सुन्दरी महिला क्रिकेटरले अहिले दक्षिण अफ्रिकाविरुद्ध तीन शतक प्रहार गरेका कोहलीको खुलेर प्रशंसा गरेका छन् । उनीहरूले सामाजिक संजालमा ट्वीट गर्दै भनेका छन्– यस्तो पो ब्याट्सम्यान, जिनियस, जबर्जस्त ब्याटिङ ।

पाकिस्तानकी फास्ट बलर कायनात इम्तियाजले सो ट्वीट गरेपछि अर्की पाकिस्तानी महिला क्रिकेटर नैन अविदीले कोहलीका नाममा आफू उनीप्रति फोकस भएको र यसले आफूलाई क्रिकेटप्रति एकाग्र बनाएको बताएकी छन् ।

भर्खरै दक्षिण अफ्रिकामा सम्पन्न वान डे सिरिजमा भारतीय यी कप्तानले तीन शतक लगाइ सबैभन्दा बढी ५५८ रन बनाएका थिए । जसका कारण उनलाई अहिले विश्वभरिबाट बधाईको आइरो आइरहेको छ ।