काठमाडौं । बलिउडका चर्चित अभिनेता अनिल कपूर आफ्नी छोरी सोनम कपूरसँग पहिलो पटक सिल्भर स्क्रिनमा देखिने भएका छन् । यी दुईले ‘एक लडकी को देखा तो ऐसा लगा’ नामक फिल्ममा सँगै काम गर्न लागेका हुन् । 

यो फिल्मको टाइटल अनिल कपूरको फिल्म ‘१९४२ लभ स्टोरी’ को पपुलर गीत (एक लडकी को देखा तो ऐसा लगा जैसे) माथि राखिएको छ ।  आफ्नो पितासँग काम गर्न सोनम निकै उत्साहित छिन् ।

 

सोनम र अनिलका अलावा फिल्ममा जूही चावला र नेशनल अवार्ड विनर राजकुमार राव पनि छन् ।  सोनम र राजकुमारले यसअघि ‘डली की डोली’ मा एकसाथ काम गरेका थिए । ‘एक लडकी को देखा तो ऐसा लगा’ पिता र छोरीमाथि आधारित छ । यो फिल्मलाई शैली चोपडाले निर्माण गर्दै्छिन् ।