रियल म्याड्रिडका पोर्चुगिज सुपरस्टार क्रिस्टियानो रोनाल्डो पोर्चुगल फुटबल संघको वर्षको उत्कृष्ट खेलाडी २०१७ को मनोनयनमा परेका छन् ।

 

रोनाल्डोसँगै म्यानचेस्टर सिटीका बेर्नाडो सिल्भा र स्पोर्टिङ लिस्बोनका रुइ पेट्रिसियो पनि मनोनयमा परेका छन् । रियलका लागि रोनाल्डोका पछिल्ला सिजन अविश्वसनिय रह्यो । च्याम्पियन्स लिग र ला लिगासहित रोनाल्डो सम्मिलित रियलले ५ वटा उपाधि जितेको थियो ।

रोनाल्डोले पाँचौं पटक बालोन डी ओर, फिफा र यूईएफएको वर्षको उत्कृष्ट खेलाडी अवार्ड जितेका थिए । पोर्चुगलको वर्षको उत्कृष्ट खेलाडीको चयन पोर्चुगल फुटबल संघ, राष्ट्रिय फुटबल प्रशिक्षक संघ र व्यावसायिक फुटबल खेलाडी युनियनले संयुक्त रुपमा गर्छन् ।

त्यसमा मार्च १९ मा अवार्ड दिने अगाडिसम्म अनलाइन भोटिङको प्रक्रिया पनि अपनाइनेछ । यसपटक पनि रोनाल्डोलाई अवार्डको मुख्य दाबेदार मानिन्छ । यसअघि सन् २०१५ र १६ र २०१६ र १७ मा पनि उक्त अवार्ड रोनाल्डोले नै जितेका थिए ।