काठमाडौँ । बलिउड अभिनेत्री प्रियंका चोपडा प्राय चर्चामै रहने नाम मध्येको नाम हो । अहिले भने उनको चर्चाको विषय बनेको छ उनको हिट फिल्म ‘ऐतराज’ को सिक्वेल ।

 

हित फिल्म ‘ऐतराज’ को सिक्वेल बन्ने र यसको सिक्वेलमा देखिन सक्ने भारतीय मिडियाले बताएका छन् । यो फिल्म वर्ष २००४ मा रिलिज भएको थियो, जसमा प्रियंकाले नेगेटिभ भूमिका निर्वाहा गरेकी थिइन् ।

 

त्यसबेला प्रियंकालाई उनको भूमिकाका लागि निकै तारिफ मिलेको थियो । फिल्म ‘ऐतराज’ लाई डाइरेक्टर अब्बास मस्तानले गरेका थिए भने सुभाष घईले निर्माण गरेका थिए ।

भरतका सञ्चार माध्यमका अनुसार सुभाष घई अब आफ्नो यो रोमान्टिक थ्रिलर फिल्मको सिक्वेल बनाउँदैछन् र यसमा उनी प्रियंकालाई लिड रोलमा लिन चाहन्छन् । सुत्रका अनुसार, फिल्मको कथा र टाइटल नयाँ हुनेछ । सुभाषले आफ्नो नयाँ प्रोजेक्टको विषयमा प्रियंकासँग कुराकानी गरिसकेको बताईएको छ ।

 

प्रियंकालाई फिल्मको सिक्वेलको आइडिया निकै मन परेको छ र उनले यो फिल्मको सिक्वेलमा काम गर्नका लागि इच्छा पनि देखाएकी छिन् । फिल्म ‘ऐतराज’ मा प्रियंकासँगै अक्षय कुमार र करीना कपूरको जोडी देखिएको थियो ।