काठमाडौँ ।  फिल्म ‘चङ्गा’ को रिलिज डेट घोषणा गरिएको छ । हास्यकलाकार किशोर भण्डारी (डिट्ठा साब) द्वारा निर्दे्शित फिल्म ‘चङ्गा’ को रिलिज डेट घोषणा गरिएको हो । निर्माता तथा निर्देशक भण्डारीले बर्ष २०७५ को जेठ २५ गतेलाई फिल्मको प्रदर्शन मिति तय गरिएको जानकारी दिए ।

फिल्मलाई मोफसलमा वितरणको अधिकार एफडी कम्पनिले खरिद गरेको छ । मंगलबार मात्रै फिल्म निर्माण टिम र एफडी कम्पनिबीच वितरण सम्झौता भयो । फिल्मको तर्फबाट निर्देशक भण्डारी र एफडी कम्पनिको तर्फबाट अध्यक्ष नरेन्द्र महर्जनले सम्झौता पत्रमा हस्ताक्षर गरेका छन् ।

यस्तै, फिल्मलाई उपत्यकामा वितरणको अधिकार करण श्रेष्ठको रिच ईन्टरटेन्मेन्टले लिएको छ । हाँस्य जनराको फिल्मले पारिवारिक तथा सामाजिक कथा बोल्छ ।

फिल्ममा वुद्दि तामाङ (हैट), कमलमणी नेपाल, अंकित खड्का, लक्ष्मी वर्देवा, राजन खतिवडा, जीवन भट्टराई लगायतका कलाकारहरुको अभिनय छ । फिल्मको कथा निर्देशक आफैंले लेखेका हुन् ।

 

‘चङ्गा’ लाई प्रतिकात्मक रुपमा देखाउन खोजिएको फिल्ममा पैसाको समस्यापछि एक ग्रामिण भेगको युवकको जीवनमा आउने उतार चढावलाई जोडिएको छ ।