चेल्सी र बार्सिलोना १–१ को बराबरीमा
काठमाडाैँ । च्याम्यिन्स लिग अन्तर्गत गएराति भएको खेलमा स्पेनिस क्लब बार्सिलोना र इंग्लीस क्लब चेल्सीबीचको खेल बराबरीमा सकिएको छ । युरोपियन च्याम्पियन्स लिग फुटबलको नकआउट चरणअन्तर्गत अन्तिम १६ को पहिलो लेगमा बार्सालाई घरेलु टोली चेल्सीले १–१ गोलको बराबरीमा रोकेको हो ।
६२ औँ मिनेटमा विलियनले गोल गर्दै चेल्सीलाई अग्रता दिलाएका थिए । तर ७५ औँ मिनेटमा बार्साका लागि लियोनल मेस्सीले गोल गर्दै खेल बराबरीमा पुर्याए । त्यसपछि दुवै तर्फबाट कुनै गोल हुन सकेन र खेल बराबरीमा सकियो ।
यी दुई टिमबीच आउँदो मार्च १५ मा नाउक्याम्पमा दोस्रो लेग हुनेछ । बार्सिलोनाले अन्तिमपटक सन् २००६ मा अन्तिम १६ कै पहिलो लेगमा २-१ गोलले चेल्सीलाई हराएको थियो । बार्सिलोना र चेल्सीबिच यसअघि भएका ८ खेलमा मेस्सीले गोल गर्न सकेका थिएनन् ।
