काठमाडौं ।  नेपाली फिल्म ‘इन्टु मिन्टु लन्डनमा’ को लिरिकल अडियो गीत सार्वजनिक भएको छ । ‘थाहै भएन...’ बोलको प्रेमभाव बोल्ने गीतमा फिल्मका केही स्थिर दृश्यहरु समावेश छन् । कोरियोग्राफर रेनाशा वान्तवा राईले यस गीत मार्फत पहिलो पटक निर्देशकको जिम्मेवारी सम्हालेको बताईएको छ । 

 

स्वप्न सुमनको शब्द, संगीत र स्वर रहेको गीत युवापुस्तामा लक्षित छ । प्रदर्शन मिति कन्फर्म नभएको फिल्मको नेपाल छायांकन सम्पन्न भइसकेको छ भने यूके छायांकनको दोस्रो तालिका बाँकी छ । बसन्त ऋतुको अवसर पारेर चैत र बैशाखमा फिल्मको दोस्रो चरण छायांकन गरिने निर्माण टिमले बताएको छ ।

फिल्ममा यूकेका थुप्रै रमणीय दृश्यहरु कैद गरिएको निर्देशक रेनाशाले बताइन् । प्रज्ज्वल समशेर जबरा र रेनाशाकै कथा रहेको रोमान्टिक लभस्टोरीमा साम्राज्ञी राज्यलक्ष्मी शाह, धिरज मगर, शारुक ताम्राकारलगायत मुख्य भूमिकामा प्रस्तुत भएका छन् ।

 

आई कोर फिल्मस्को व्यानरमा ‘इन्टु मिन्टु लन्डनमा’ लाई प्रभु समशेर जबरा र प्रज्ज्वल समशेर जबराले निर्माण गरेका हुन् ।

">