काठमाडौं । पूर्वी नेपालमा गुण्डागर्दी गर्दै आएका गुन्डा नाइके एलिस गुरुङ पक्राउ परेका छन् । शुक्रबार साँझ एलिसलाई मोरङ प्रहरीले महेन्द्र चोकको एक होटलबाट पक्राउ गरेको हो ।

 

विराटनगरका पेट्रोलपम्प सञ्चालक पशुपति भगतमाथि आक्रमण गरेपछि गुरुङ प्रहरीको खोजी सूचीमा रहेको जिल्ला प्रहरी कार्यालय मोरङका प्रहरी उपरिक्षक (एसपी) अरुण बिसीले जानकारी दिए ।

 

गुरुङलाई ज्यान मार्ने उद्योग मुद्दामा अनुसन्धान अगाडि बढाइएको छ । गुरुङले व्यावसायीलाई धम्काउँदै आएको प्रहरीको भनाइ छ । गुरुङले पर्शुराम बस्नेत समूहसँग छुट्टिएआफ्नो छुट्टै ग्याङ बनाएका थिए । उनको विराटनगरमा घरजग्गा कारोबार तथा होटेल व्यवसायसमेत छ ।