‘टुल्की’ बोलको गीत सार्वजनिक (भिडियोसहित)
चलचित्र ‘मिस्टर भर्जिन’ को ‘टुल्की’ बोलको गीत सार्वजनिक भएको छ । आइतवार राजधानीमा एक कार्यक्रमका बीच चलचित्रको गीत सार्वजनिक गरिएको हो । केही दिन अगाडि सार्वजनिक गरिएकोे अडियो गीतबाट राम्रो प्रतिक्रिया यस गीतमा सुरज पण्डितको स्वर, शब्द र संगीत रहेको छ ।
नेपालको सुदूरपश्चिम तथा मध्यपश्चिम क्षेत्रमा गाइने देउडा फ्लेवरमा तयार पारिएको भिडियोमा गौरव पहारी, कमलमणी नेपाल, विजय बराल, भोलाराज सापकोटा, श्रद्धा प्रसाईं, स्मृति पोखरेल, रविन्द्र झा लगायत फिचरिंग छन् । ठमेल आसपासमा छायाँकन गरिएको भिडियोलाई दिपक सिंहले कोरियोग्राफी गरेका हुन् । सिनेम्याटोग्राफी रामेश्वर कार्कीको छ ।
प्रदर्शन मिति घोषणा नभइसकेको वोर्ल्ड वाइड फिल्म्स डिस्ट्रिव्यूसन प्रा.लीको ब्यानरमा निर्माण भएको चलचित्र ‘मिस्टर भर्जिन’लाई विशारद बस्नेतको निर्देशन गरेका हुन् । चलचित्रमा गौरब पहारी , बिजय बराल, कमलमणि नेपाल, मरिश्का पोख्रेल, भोलाराज सापकोटा, रविन्द्र झा, सिर्जना सुब्बा लगायतका कलाकारको अभिनय रहेको छ ।
चलचित्रमा महेश दवाडीको कथा, रामेश्वर कार्कीको छायांकन, विक्रम स्वाँर र दीपकमान सिंहको कोरियोग्राफी ,सुरज पण्डित, श्रीकृष्ण बम मल्ल, बुलेट फ्लो, आधा सुर, आर जे, मिस्टर प्रिन्सको संगीत र मिलन डी. काप्रीले सम्पादन रहेको छ ।
तीन युवाको यौन मनोविज्ञानको कथालाई लिएर निर्माण भएको ‘मिस्टर भर्जिन’मा खिलेन्द्र तिमल्सिना, प्रजापती सिवाकोटी, मुकेश रेग्मी र बिशारद बस्नेतको लगानी रहेको छ भने सह निर्मातामा सन्दिप उप्रेती रहेका छन् ।
