स्पेनिस ला लिगा फुटबलमा एथ्लेटिको मड्रिडले सेभिल्लालाई ५–२ गोल अन्तरले पारजित गरेको छ। च्याम्पियन्स लिग फुटबलमा एथ्लेटिकोले घरेलु लिगमा प्रभावशाली जित निकालेको हो।

 

एथ्लेटिकोको जितमा एन्टोनी ग्रिजम्यान नायक बने। उनले ह्याट्रिक गरे। यस्तै डिएगो कोस्टा र कोकेले एक एक गोल गरे। सेभिल्लाका लागि साराबिउ र नोलिटोले एक एक गोल गरे। २९औँ मिनेटमा कोस्टाको गोलबाट एथ्लेटिकोले सुरुवाती अग्रता लियो।

 

ग्रिजम्यानले ४२, ५१ र ८१औँ मिनेटमा गोल गरी ह्याट्रिक पूरा गरे। त्यसअघि कोकेले ६५औँ मिनेटमा गोल गरेका थिए। सेभिल्लाका लागि साराबिएले ८५ र नोलिटोले ८९ औँ मिनेटमा गोल गरे। जितपछि शीर्ष स्थानको होडमा रहेको एथ्लेटिकोले बार्सिलोनासँग अंक दूरी सातमा झारेको छ।

 

दोस्रो स्थानको एथ्लेटिकोको २५ खेलबाट ५८ अंक भएको छ। बार्सिलानाको ६५ अंक रहेको छ। यस्तै तेस्रो स्थानको रियल मड्रिड दोस्रो स्थानको एथ्लेटिकोभन्दा सात अंकले नै पछि छ।