स्पेनिस लिग फुटबलमा इस्पानियोलले रियल मड्रिडलाई हराएको छ ।

 

गएराति इस्पानियोलको मैदानमा भएको खेलमा घरेलु टोली १–० ले विजयी भयो । खेलमा इस्पानियोललाई विजयी गराउन जेरार्ड मोरेनोले खेलको इन्जुरी समयमा गरेको गोल निर्णायक बन्यो ।

इस्पानियोलले सन् २००७ यता रियमल मड्रिडमाथि जित हात पारेको यो पहिलो अवसर हो ।

 

पछिल्लो २२ खेल मध्य तीनमा बराबरी गर्नु बाहेक अरु सबैमा हार व्यहोरेको इस्पानियोलले गएरातिको खेलमा भने रियाललाई स्तब्ध पार्न सफिल रह्यो ।

 

यो हारसँगै रियाल मड्रिडले स्पेनिस ला लिगामा शीर्ष स्थानको बार्सिलोनासँग अंक दुरी घटाउने अवसर गुमाएको छ ।

 

तेस्रो स्थानको रियालको २६ खेलबाट ५१ अंक छ । २५ खेल खेलेको बार्सिलोनाको ६५ अंकका साथ शीर्ष स्थानमा छ भने समान खेलबाट ५८ अंक जोडेको एथ्लेटिको मड्रिड दोस्रो स्थानमा छ ।