प्रबिन दाहाल

काठमाडौं । फिल्म ‘पञ्चायत’ को अफिसियल ट्रेलर सार्वजनिक भएको छ । अभिनेता सरोज खनाल र अभिनेत्री नीता ढुंगाना स्टारर फिल्म ‘पञ्चायत’ को आइतवार राजधानीमा आयोजित एक कार्यक्रमका बीच सार्वजनिक गरिएको फिल्मको ट्रेलरमा नीतालाई १४ वर्षे किशोरी र सरोजलाई ‘गाउँका निम्ति भगवानभन्दा ठूला मान्छे’ भन्दै प्रस्तुत गरिएको छ । 

५० बर्ष अगाडिको सामाजिक संरचना र त्यो समयका किशोरीहरुको यौन मनोविज्ञानलाई समाजले हेर्ने दृष्टिकोण र छाउपडी प्रथामा बस्ने किशोरीको पीडालाई ‘पञ्चायत’ मा देखाइएको लेखक तथा निर्देशक शिवम अधिकारीले जानकारी दिए । 

ट्रेलर सार्वजनिक कार्यक्रममा बोल्दै नायिका नीताले ‘मसान’ पछि आफ्ना लागि यो फिल्म आशातित रहेको बताइन् । सञ्चारकर्मी रवि अधिकारी कार्यकारी निर्माता रहेको फिल्मलाई गणेश गिरीको प्रस्तुतीमा सुशान्त श्रेष्ठ र शंकर सुवेदीले निर्माण गरेका हुन् ।

टंक बुढाथोकीको संगीत र रामेश्वर कार्कीको छायांकन रहेको फिल्मलाई विपिन मल्लले सम्पादन गरेका हुन् । यो फिल्ममा सरोज र नीताका साथमा रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजुबाबु श्रेष्ठ लगायतको अभिनय हेर्न सकिन्छ । 

">                                                                                                                                      तश्बिर- चन्द्र राई