कुन महिनामा जन्मिएको मान्छेको स्वभाव कस्तो ? बैशाखमा जन्मिने धनी, चैतमा जन्मिने दार्शनीक
जन्ममिति वा तिथिको आधारमा मानिसको भविष्यवाणी पनि गर्न सकिन्छ । यसका लागि कुन् महिनामा जन्मिएको भन्ने कुराले पनि महत्वपूर्ण भूमिका खेलेको हुन्छ । धेरैलाई के लाग्छ भने यस्ता काम त ज्योतिषले मात्रै गर्नसक्छन् ।
तर ज्योतिष विज्ञानका केही आधारभुत जानकारी लिएको अवस्थामा आम मान्छेले पनि जो कसैको स्वभाव र प्रबृत्तिको अवलोकन सहजै गर्नसक्छन् । यसका लागि केही विधि भने जान्नैपर्ने हुन्छ । यदी तपाईँ पनि आफ्नो जन्म महिनाको आधारमा आफ्नै स्वभाव लगायत कुरा थाहा पाउन चाहनुहुन्छ भने तल उल्लिखित तरिका पढ्नुहोस् ।
१. बैशाख महिना
बैशाख महिनामा उत्पन्न हुने मानिस भोगी (सर्वसुखयुक्त), धनवान, राम्रो चित्त र बिचार भएका, क्रोधवान, सुन्दर आँखा भएका, रुपवान, स्त्रीहरुलाई माया गर्ने स्वभावका हुन्छन् ।
२. जेठ
जेठ महिनामा जन्मिएका मानिसहरु विदेशमा बस्ने, शुभ चित्त र लामो आयु भएका व्यक्ति हुन्छन् ।
३. असार
यो महिनामा जन्मिएका मानिसहरु धर्मात्मा, धन नाश हुने भएका कारण पिडित, सुन्दर वर्ण भएका र थोरै सुख भोग गर्ने हुन्छन् ।
४. साउन
साउन महिनामा जन्मिएका मानिसहरु सुख, दुःख तथा हानी–लाभमा सधैँ एकनास हुन्छन् ।
५. भदौ
भदौ महिनामा जन्मिने मानिसहरु सधैँ खुसी रहने, धेरै बोल्ने, मधुर बोली भएको र सुन्दर व्यक्ति हुने गर्दछन्।
६. असोज
यो महिनामा जन्मिने मानिस सुन्दर रुप भएका, अत्यन्त पवित्र, गुणवान र धनी हुने गर्दछन् ।
७. कार्तिक
यो महिनामा जन्मिएका मानिसहरु धनवान्, कम बुद्धि, दुष्ट प्रवित्ति र पापी हुने गर्दछन् ।
८. मंसिर
यो महिनामा जन्मिएका मानिसहरु मिठो बचन बोल्ने, धनवान, धर्ममा विश्वास राख्ने, निकै मिलनसार, पराक्रमी र अरुलाई उपकार गर्ने प्रकारका हुन्छन् ।
९. पुस
यो महिनामा जन्मिने मानिसहरु निडर, कठोर, देवताहरुलाई नमान्ने र सुख–सुविधा उत्पन्न गर्ने खालका हुन्छन् ।
१०. माघ
यो महिनामा जन्मिने मानिसहरु वुद्धिमान, धनवान, निडर, निष्ठुर बचन बोल्ने प्रकारका हुन्छन् ।
११. फागुन
यो महिनामा जन्मिने मानिसहरु शुक्ल वर्ण भएको, अरुको उपकार गर्ने, धनवान, विद्यावान, सुखी र सधैँ विदेश भ्रमण गर्ने खालका हुन्छन् ।
१२. चैत
यस महिनामा जन्मिने व्यक्ति दार्शनीक, अहंकाररहित, राम्रो कर्म गर्ने, रातो आँखा भएको र रिसाहा हुने गर्दछन् ।
