काठमाडौं । आइसिसी विश्व क्रिकेट लिग डिभिजन-२ अन्तर्गत दोस्रो खेलमा आज नेपालले ओमानसँग प्रतिस्पर्धा गरिरहेकाे छ । नामिबियाको डब्लुएपी मैदानमा टस हारेपछि नेपालले पहिले ब्याटिङ गरेकाे हाे । टस जितेको ओमानले पहिले फिल्डिङ गर्ने निर्णय गरेपछि नेपालले पहिले ब्याटिङ गर्न लागेको हो।

 

यसअघि यही मैदानमा हिजो भएको खेलमा नेपालले आयोजक नामिबियालाई १ विकेटको झिनो अन्तरले पराजित गरेको थियो। ओमान भने पहिलो खेलमा क्यानडासँग पराजित भएको थियो। ओमानलाई क्यानडाले ८ विकेटले हराएको थियो।

 

शुक्रबार (अाज) नै नामिबिया र केन्या तथा युएई र क्यानडाबीच पनि प्रतिस्पर्धा हुँदैछ।