अभिनेता खगेन्द्र लामिछानेको मुख्य भूमिका रहेको ‘डमरुको डन्डीबियो’ले आफ्नो प्रदर्शनको मिति तय गरेको हो । आगामी बैशाख २१ गतेदेखि ‘डमरुको डन्डीबियो’ प्रदर्शनमा आउने भएको हाे ।

 

छेतेन गुरुङ निर्देशित यो फिल्म वैशाख २१ देखि देशव्यापी प्रदर्शनमा आउन लागेको विनोद गुरुङले जानकारी दिए । बाबु र छोराबीचको सम्बन्ध र द्वन्द्वलाई पस्किन खोजिएको फिल्मको पटकथा अभिनेता लामिछानेले लेखेका हुन् ।

 

समृद्धि इन्टरटेनमेन्टको ब्यानरमा विनोद गुरुङ र नोर्बु छिरिङ घलेको लगानी रहेको ‘डमरुको डन्डीबियो’मा प्रितम पाण्डेको सम्पादन रहेको छ भने हरि हुमागाईको छायांकन अनि कालीप्रसाद बासकोटाको संगीत रहेको छ ।

 

फिल्ममा अनुप बराल, अंकति खड्का, मेनुका प्रधान, बुद्धि तामाङ, लक्ष्मी बर्देवा, नमिता घिसिङलगायतको अभिनय रहेको छ। फिल्मका लगानीकर्ता गुरुङले यसअघि थुप्रै म्यूजिक भिडियोका साथै दर्जनौं गित गाइसकेका छन् ।