काठमाडौं । ‘गुरुकुल नाटकघर’मा नाटक हेरेरै पछिल्लो पुस्ता नाटकप्रति आकर्षित बन्दैआएको छ । सुरुमा कठिन संघर्ष गरेर स्थापित भएको गुरुकुल अहिले सोही नाममा क्रियाशिल नभए पनि त्यहाँका धेरै विद्यार्थीहरु अहिले नाटक तथा फिल्ममा स्थापित छन् ।

 

गुरुकुलकै संस्थापकमध्ये एक हुन् निशा शर्मा । अभिनेत्री तथा रंगकर्मी निशा शर्मा लामो समयदेखि ‘थिएटर’मा सक्रिय छन् । थिएटरमा लाग्नुअघि उनी फिल्ममा पनि अभिनय गरिसकेकी थिइन् ।

 

नयाँ पुस्ताका रंगकर्मी निशालाई एक ‘आईडल’ नै मान्छन् ।

 

उनै निशा शर्मासँग नेपालआजले यसपटक भिन्न किसिमको अन्तरवार्ता गरेको छ ।

 

नोराः एक चरित्र

हेनरीक ईब्सेनले लेखेको नाटक ‘अ डल्स हाउस’लाई गुरुकुलले १० वर्षजति अघि नेपालीमा मञ्चन गरेको थियो । त्यस नाटककी मुख्य पात्र नोराको भुमिकामा थिइन् निशा ।

 

निशा एक स्थापित अभिनेत्री भए पनि ‘नोरा’को भुमिकाले उनलाई झन धेरै दर्शकमाझ लोकप्रिय बनायो । त्यसो त उनी यस भुमिकालाई ऐतिहासिक ठान्छिन् ।

 

‘नोराःएक पात्र’माथि यहाँ लामो बहस भएको छ । ‘निशा’ र ‘नोरा’बीच तुलनात्मक रुपमा प्रश्न पनि सोधियो । निशाले यसबारे केही रोचक जवाफ दिएकी छन् ।

 

निशाले आफूलाई नाटककै पात्र ‘नोरा’सँग तुलना गर्दै नाटककार ईब्सेनले आफ्नै लागि नाटक लेखिदिएको बताएकी छन् ।

 

साथै श्रीमान सुनिल पोखरेलले पनि आफूलाई नोरालाई झैँ ‘एक गुडिया’को रुपमा हेर्नेगरेको बताएकी छन् । तर उक्त नाटकपछि भने आफूलाई हेर्ने दृष्टिकोणमा परिवर्तन आएको पनि निशाको भनाइ छ ।

 

अन्तरवार्ताको क्रममा निशाले कुनै पनि पात्र रंगमञ्चको जटिलताबारे पनि लामो ब्याख्या गरेकी छन् । आफ्नै जीवनबारे पनि उनले संघर्षकथा सुनाइन् ।

 

कुनै बेला नाटक नै छोडेर अमेरिका पलायन हुने सोच आएको भन्दै त्यसको चर्चा गरेकी छन् । छोरालाई दुध खुवाउने पैसा समेत नभएको अवस्थामा पेशा नै फेर्ने सोचेको भन्दै निशाले दुखद् पाटो खोलेकी छन् ।

 

निशा शर्मा नाटक