घरेलु मैदान स्ट्याम्फोर्ड ब्रिजमा भएको खेलमा चेल्सीले क्रिस्टल प्यालेसलाई दुई एक गोल अन्तरले हरायो । लिगको पाचौ स्थानमा रहेको चेल्सीको जितमा विलियमले एक गोल गरे भने एक गोल उपहार पायो ।

 

खेलको २५ औं मिनेटमा विलियमको गोल मार्फत चेल्सीले खेलमा अग्रता बनायो । तर ३२ औं मिनेटमा चेल्सीले उपहार गोल मार्फत खेल दुई शून्यमा पुर्यायो । क्रिस्टल प्यालेसका मार्टिन केलीले बल क्लियर गर्ने क्रममा आफ्नै पोष्टमा गोल गर्न पुगे ।

 

तर, ९० आैं मिनेटमा प्याट्रिक भान आनहोल्टले एक गोल फर्काए पनि क्रिस्टललाई हारबाट जोगाउन पर्‍याप्त बनेन । यो हारले क्रिस्टललाई रेलिगेसनको खतरा बढेको छ ।

 

चेल्सीको ३० खेलबाट ५६ अंक छ भने रेलिगेसन जोनमा रहेको क्रिस्टलको समान खेलबाट २७ अंक छ ।