काठमाडौं । जिम्बावेमा जारी आईसीसी विश्वकप छनोट अन्तर्गत एकदिवसीय मान्यताका लागि निर्णायक खेलमा नेपालले अहिले पपुवा न्यूगिनीसँग खेलिरहेको छ । टस जितेर पहिले फिल्डिङ गरेको नेपालले पपुवा न्यूगिनीको पाँचौ विकेट लिएको छ ।

 

नेपालका सन्दीप लामिछाने एक्लैले लगातार तीन विकेट लिएका छन् । तेस्रो विकेटको रुपमा सेसे वाउलाई ११ रनमा आउट गरेका सन्दीपले चौथो विकेटको रुपमा चाद सोपरलाई १० रन र पाँचौ विकेटको रुपमा माहुरु दाइलाई ५ रनमा मा आउट गरेका हुन् ।

 

यसअघि करण केसीले पपुवा न्यूगिनीका बिष्फोटक ब्याट्सम्यान टानी उरालाई ११ रनमा र सोमपाल कामीले पपुवा न्यूगिनीका कप्तान असादुल्ला वालालाई १० रनमा आउट गरेका थिए । ताजा अवस्थामा पपुवा न्यूगिनीले १७ अाेभरमा ७३ रन बनाएकाे छ ।