आर्इसीसी विश्वकप छनोट प्रतियोगिताअन्तर्गत सुपरसिक्सको खेलमा जित हात पार्दै जिम्बावे लिगको शीर्ष स्थानमा उक्लिएको छ ।

 

जिम्बावेले आयरल्याण्डलाई १ सय ७ रनको अन्तरले हराउँदै तालिकामा ५ अंक बनाएको छ । सुपर सिक्समा पुग्ने सबै टिमले ३–३ खेल खेल्दा जिम्बावे र स्कटल्याण्ड ५ अंकसहित अग्रस्थानमा छन् ।

 

समान अंक भए पनि रनरेटका आधारमा जिम्बावे अघि छ । आयरल्याण्डविरुद्धको खेलमा सिकन्दर राजाले ६९ रनको योगदान दिएपछि जिम्बावेले ५० ओभरमा ९ विकेट गुमाउँदै २ सय ११ रन बनाएको थियो । सिकन्दर राजाबाहेक ब्रेण्डन टेलरले सर्वाधिक २५ रनको योगदान दिए ।  

 

२ सय १२ रनको लक्ष्य पछ्याएको आयरल्याण्ड ३२.२ ओभरमा १ सय ४ रनमा अलआउट भयो । आयरलयाण्डका पाउल स्टिर्लिङले सर्वाधिक ४१ रनको योगदान दिँदा अन्य ब्याट्सम्यानले खराब प्रदर्शन गरे ।

 

आयरल्याण्डलाई सस्तैमा समेट्न टेण्डाई चोसोरो र ग्रिम क्रिमरले ३–३ विकेट लिए ।