‘अनुष्का गर्भवती भइन्’ एजेन्सी । भारतीय चर्चित क्रिकेटर विराट कोहलीले केही दिनअघि ट्वीट गरे, ‘हामी धेरै खुसी छौं । तपार्इंहरु आफैं अनुमान गर्नुस् ।’

 

विराटले ‘हामी’ भनेर अनुष्का र आफैंलाई संकेत गरेका थिए । उनको ट्वीट सार्वजनिक भएको केही मिनेटमै भाइरल बन्यो ।

 

खासगरी विराटका अधिकांश फ्यानले एउटै अनुमान लगाए, ‘अनुष्का गर्भवती भइन् ?’ धेरैले त विराटलाई ट्वीटरमा मेन्सन गर्दै प्रश्न गरे– ‘अनुष्का गर्भवती भएकी हुन् र ?’ एक ट्वीटर प्रयोगकर्ताले लेखेका छन्, ‘हेलो विराट म तपाईंको ठूलो फ्यान हुँ । अनुष्का जी गर्भवती हुनु भएको हो ? विराट कोहलीले अनुष्कासँग विवाह भएको ३ महिनापछि यस्तो ट्वीट गरेका हुन् । उनीहरु दुवै काममा व्यस्त छन् ।

 

अचानक विराटको यस्तो ट्वीटले उनका फ्यानहरुलाई सरप्राइज दियो । विराटलाई यस्ता प्रश्न धेरैले गरे पनि उनले यसबारे कुनै प्रतिक्रिया जनाएका छैनन् । त्यसो त दुवैले पछिल्लो समय सामाजिक सञ्जालमा ‘रोमान्टिक मुड’का तस्बिर सेयर गर्दै आएका छन् ।