कपिलवस्तु, जितपुर । यहाँको एक भेली मिलमा शनिबार आगलागी हुँदा रु तीन लाख बराबरको क्षति भएको छ । 

कृष्णनगर नगरपालिका–९ मा रहेको महेश गुण उद्योगमा भेली बनाउने क्रममा दिउँसो आगो बाल्दा हावाहुरीका कारण आगलागी भएको इलाका प्रहरी कार्यालय, बहादुरगञ्जले जनाएको छ । 

आगलागीबाट ४० क्विन्टल भेली, भेली स्टोर, लत्ताकपडा, भाँडावर्तन गरी करिब रु तीन लाख बराबरको क्षति भएको प्रहरीले जनाएको छ ।

 

स्थानीयबासी, प्रहरी र दमकलको सहयोगमा साँझ आगो नियन्त्रणमा आएको मिल सञ्चालक दिनानाथ चौधरीले जानकारी दिए ।