चलचित्र ‘चंगा चेट’ मा आयुष्मान पूर्वप्रेमिका परमिता राज्यलक्ष्मी राणा र प्रेमिका प्रियंका कार्कीसँगै देखिने भएका छन् । दीपेन्द्र के खनाल निर्देशित उक्त चलचित्रमा उनीहरु सँगै देखिने भएका हुन् ।

 

चलचित्रमा आयुष्मान र प्रियंका जोडीका रुपमा देखिनेछन् । आयुष्मान र परमिता दुवैले ‘चपली हाइट २’ बाट रजतपटमा डेब्यु गरेका थिए । त्यसबेला उनीहरूकाे सम्बन्ध केही गाढा थियाे । तर, फिल्म रिलिजको केही महिनापछि नै दुई अलग भए ।

 

अहिले एउटै चलचित्रमा प्रेमिका र पूर्वप्रेमिकासँगै काम गर्नुपर्दा चर्चा त हुने भयो नै । तर, यसले कस्ताे प्रतिफल पाउँछ त्याे भने फिल्म रिलिज भएपछि नै थाहा हाेला ।

 

माधव वाग्ले निर्माता रहेको यो चलचित्रमा ऋचा शर्मा, रविन्द्र झा, सन्दीप क्षत्री, सन्ध्या केसीको पनि अभिनय रहेको छ