काठमाडौं । काठमाडौंको सुनधारामा रहेको गुलाब मिठाई पसल रहेको भवनमा लागेको आगो नियन्त्रणमा आएको छ ।

आगलागीमा घाइते भएका १ जनाको वीर अस्पतालमा उपचार भइरहका प्रहरीले जनाएको छ । आगलागी भएको माथिल्लो तलामा फसेकका २०–२५ जनालाई सकुशल उद्धार गरिएको थियो । भवनको भूँइतलाबाट आगो सल्केको प्रहरीको भनाई छ ।

काठमाडौं महानगरपालिकाको कार्यालयसँगै रहेको भवनमा लागेको आगोलाई बारुदयन्त्रका कर्मचारी, सेना र प्रहरीले निभाएका थिए । आगो के कारणले लाग्यो र के–कति क्षति भयो भन्ने बारे अहिलेसम्म केही जानकारी नआएको प्रहरीले जनाएको छ ।