अभिनयमा त आँचलले खासै जादु देखाउन पाइरहेकी छैनन्, जे जादु गरेकी छन पल शाहलाई गरेकी छन् । त्यसैले त पहिलो फिल्म ‘नाइँ नभन्नु ल ४’ यता पल आफ्नो कम आँचलको ज्यादा चिन्ता गर्छन् । त्यही भएर हाेला दिन प्रतिदिन आँचलको फूर्ति बढ्दाे छ ।

 

यसको छनक देखियो, ‘शत्रु गते’ को पत्रकार सम्मेलनमा । कार्यक्रममा आँचललाई एक पत्रकारले प्रश्न सोधेकी थिइन्, ‘तपाईंको मदिरा पिएको दृश्य भए चलचित्र नै गर्दिनँ भनेर एउटा चलचित्रमा भन्नुभएको थियो । तर ‘शत्रुगते’ मा तनतनी मदिरा पिउनुभएको छ नि ?

 

हुन पनि प्रश्न असान्दर्भिक थिएन् । उनले प्रश्नको भेउ पाउनै सकिनन् । मदिरा पिउने दृश्य समावेश भएको फिल्म नै खेल्दिनँ भन्ने उनको उक्त भनाइ युट्युबमा खोज्ने हो भने छ्यास्छ्यास्ती पाउन सकिन्छ ।

 

तर आँचल अझै पनि आफूले यस्तो कुनै कुरा नभनेको दाबी गर्छिन् । त्यतिले नपुगेर उक्त प्रश्नलाई सिल्ली भनेरसमेत टार्न खोजिन् । पत्रकारले प्रमाणसहित भन्दासमेत चुप लागिनन् उनी । पत्रकारलाई उल्टै मेरो कुरा सुन्नुभएन भने म केही भन्दिनँ भनेर घुर्की लगाइन् ।