जनकपुरकाे सडकमा वेवारिसे अवस्थामा लास भेटियाे
जनकपुरमा एक पुरुषको शव फेला परेको छ । जनकपुर ढल्केबर सडकखण्डमा जनकपुर उपमहानगरपालिका - ९, बस्ने ४८ वर्षका रेवतीरमणलाल कर्णको शव फेला परेको छ ।
बिहीबार बिहान साढे ५ बजे सडकमै कर्णको शव देखेपछि स्थानीयले प्रहरीलाई खबर गरेका थिए । मृतकको गालामा समान्य चोट बाहेक कतै कुनै घाउचोट छैन । मृतकको गालामा चोट देखिएकाले कुनै सवारीसाधनको ठक्करबाट उनको ज्यान गएको हुनसक्ने प्रहरीले अनुमान गरेको छ ।
शवलाई पोष्टमार्टमको लागि जनकपुर अञ्चल अस्पतालमा राखिएको र घटनाको विषयमा थप अनुसन्धान भैरहेको जिल्ला प्रहरी कार्यालय धनुषाले जनाएको छ ।
