यातायात व्यवस्था विभागले २० वर्ष पुराना १ सय १० वटा सार्वजनिक गाडी जफत गरेको छ । 

 

चैत १ गतेदेखि १४ वटै अञ्चल यातायात व्यवस्था कार्यालयले सडकमा अनुगमन गरी २० वर्ष पुराना सवारी जफत सुरु गरेकोमा अहिलेसम्म १ सय १० वटा गाडी जफत गरिएको विभागका महानिर्देशक रुपनारायण भट्टराईले जानकारी दिए ।

 

प्रदूषण र सवारी दुर्घटना बढेको भन्दै सरकारले चैत १ गतेदेखि देशभरका सडकमा २० वर्ष पुराना सार्वजनिक गाडी गुड्न रोक लगाएको हो । देशभर २० वर्ष पुराना सवारीको संख्या १६ हजार ९६१ रहेको विभागले जनाएको छ । 

 

सरकारले हरियो प्लेट, मिटर ट्याक्सी र अन्य सार्वजनिक यातायातका सवारीलाई २० वर्षे नियम लगाए पनि निजी र सरकारी नम्बर प्लेटका गाडीमा पनि २० वर्षे मापदण्ड लागू गर्नुपर्ने माग बढेको छ ।