फिल्म ‘शत्रुगते’ ले प्रदर्शनको पहिलो दिन शुक्रबार हलमा दर्शक तान्ने पक्का भएको छ । मल्टिप्लेक्समा खुलेका अग्रिम बुकिङको अवस्था हेरेर फिल्मको ओपनिङ आक्रमक हुने आँकलन गरिएको छ ।

 

क्युएफएक्स अन्तरगत दुई शो सोल्ड आउट हुँदा १९ वटा शो फास्ट फिलिङमा छन् । मह सञ्चारको ब्यानरमा किरण केसीको प्रस्तुती रहेको फिल्मलाई क्युएफएक्सले २८ वटा शोज उपलब्ध गराएको छ ।

 

‘जात्रा’ निर्देशक प्रदीप भट्टराई निर्देशित ‘शत्रुगते’ ले मल्टिप्लेक्समा पाएको यो सर्वाधिक शोकाे संख्या हो । फिल्म देशभरका एक सय भन्दा बढी हलहरुमा लाग्नेछ ।

 

फिल्ममा मह जोडी सहित दिपकराज गिरी, दिपाश्री निरौला, प्रियंका कार्की, पल शाह, आँचल शर्माको मुख्य भूमिका रहेको छ । टंक बुढाथोकीको संगीत रहेको रुपै मोहनी बोलको गी हिट छ, भने ट्रेलरले दर्शकको ध्यान तानेको छ ।