अफगानिस्तानका १९ वर्षीय कप्तान राशिद खान फेरि एकपटक दोहोरो इतिहास रच्ने अभियानमा जुटेका छन्। उनले यसअघि नै क्रिकेटका दिग्गज खेलाडीलाई पछाडि पारिसकेका छन्। उनी छिट्टै अर्को ठूलो इतिहास बनाउने अभियान नजिकै छन्।

 

आयरल्यान्डविरूद्ध हरारे स्पोर्ट्स क्लब मैदानमा राशिदले १० ओभरमा तीन विकेट लिएपछि नयाँ कीर्तिमान बनाएका थिए। उनी ४३ खेलमा सर्वाधिक विकेट लिने क्रिकेटर बन्न पुगेका छन्। उनको विकेट संख्या ९९ पुगेको छ। उनको अगाडि अब एकदिवसीयमा छिट्टै सय विकेट लिने कीर्तिमान रहेको छ।

 

राशिदभन्दा अगाडि अस्ट्रेलियाका मिचेल स्टार्कले ४३ खेलमा ८७ विकेट लिएका थिए। स्टार्कलाई राशिदले धेरै पछाडि छोडेका छन्। स्टार्कले नै ५२ खेलमा एक सय विकेट पुरा गरेका थिए। राशिद यो कीर्तिमान पनि आफ्नो पक्षमा पार्न केहि कदम मात्र टाढा छन्।

 

पाकिस्तानका सक्लेन मुस्ताकले ५३ र न्युजिल्यान्डका शेन बोन्डले ५४ खेलमा सय विकेट पुरा गरेका थिए।