पाँचथर । पाँचथर सदरमुकाम फिदिमबाट सुभाङतर्फ गइरहेको पिकअपको ठक्करबाट पाँचथर हिलिहाङ ५ का ४२ वर्षीय मोहमलाल रणपहेलीको घट्नास्थलमै मृत्यु भएको छ ।

 

गएराती भएको घट्नामा उनकी ३२ वर्षीय श्रीमती इन्द्रकला गम्भीर घाइते भएकी छन् ।

 

फिदिमबाट सुभाङतर्फ जाँदै गरेको मे १ ज १८०९ नम्वरको पिकअपले बाटोमा हिडिरहेका रणपहेली दम्पतीलाई ठक्कर दिएको थियो ।

 

घाइते इन्द्रकलाको पाँचथर अस्पतालमा उपचार सम्भव नभएपछि बीएण्ड सी अस्पताल झापा पठाइएको जिल्ला प्रहरी कार्यालय पाँचथरका प्रहरी नायब उपरीक्षक वामदेव गौतमले जानकारी दिए ।

 

चालक अजिम सुहाङलाई नियन्त्रणमा लिइएको जिल्ला प्रहरी कार्यालय पाँचथरले जनाएको छ ।