विश्व नम्बर एक स्वीस टेनिस स्टार रोजर फेडेरर मयामी ओपनमा १७५ औं वरियताका थानासी कोकिनाकिससँग पराजित भएका छन्।

 

अष्ट्रेलियन खेलाडी कोकिनाकिसले फेडेररलाई ३–६, ६–३ र ७–६ ले हराएका हुन्। हारसँगै फेडेररले विश्व टेनिस वरियताको शीर्ष स्थान गुमाउने भएका हुन्।

अप्रत्यासित हार व्यहोरेका फेडेररको ठाउँ अब स्पेनिस खेलाडी रफाइल नदालले लिनेछन्।

 

मायामी ओपनमा भोगेको उक्त हार फेडेररले पछिल्लो एक हप्तामा भोगेको दोस्रो हार हो। फेडेरर छ दिनअघि अमेरिकामै सम्पन्न इन्डियाना वेल्समा अर्जेन्टेनी खेलाडी हुँवा मार्टिन डेल पोत्रोसँग हारेका थिए।

 

उक्त हारले फेडेररको १७ खेल लामो जितको श्रृंखलामा पूर्णविराम लगाएको थियो।