झापा ११ चौथो कटारी मेयर गोल्डकपको सेमिफाइनलमा प्रवेश गरेको छ।

 

सोमबार भएको खेलमा सरस्वती युवा क्लबलाई २–० गोलले पराजित गर्दै झापा अन्तिम चारमा पुगेको हो। झापाको जितमा अजय राजवंशीले १३ र लक्ष्मण चौधरीले ८७ मिनेटमा गोल गरेका थिए।

 

झापाका गोलकिपर मनोज प्रधान खेलको म्यान अफ दि म्याच चुनिए। उनले ५ हजार रुपैयाँ हात पारे। खेलमा सरस्वतीले प्रधानले आधा दर्जन आकर्षक प्रहार गरे पनि झापाका गोलरक्षक मनोज प्रधानले आकर्षक बचाउ गरे।

 

मंगलबार हुने अन्तिम क्वार्टरफाइनलमा संकटा क्लब र चर्च ब्वाइज क्लबबीच प्रतिस्पर्धा हुनेछ। झापाले अब बुधबार हुने सेमीफाईनलमा सहारा क्लब पोखरासँग प्रतिष्पर्धा गर्नेछ । 

 

विजेता टिमले नगद ५ लाख र उपविजेताले २ लाख ५१ हजार रुपैयाँ पाउनेछन्। कटारी नगरपालिका र साथीसमूहको संयोजनमा आयोजित गोल्डकप आगामी चैत्र १७ सम्मा हुनेछ।