विश्वकपको तयारी गरिरहेको पोर्चुगल र नेदरल्याण्डबीच गएराति भएको खेलमा पोर्चुगल नेदरल्याण्डससँग पराजित भएको छ । जेनेभामा सोमबार राति भएको खेलमा पोर्चुगल नेदरल्याण्डससँग ३–० ले पराजित भएको हो ।

 

खेलको ११ औँ मिनेटमा मेम्फिस डिपेइले गोल गर्दै नेदरल्याण्डलाई सुरुवाति अग्रता दिलाए । ३२ औँ मिनेटमा रायन बाबेलले गोल गरेका थिए।

 

त्यसपछि पनि पहिलो हाफको इन्जुरी समयमा विर्गिल भान डिजेकले गोल गर्दै नेदरल्याण्डलाई ३–० गोल अन्तरमा पुर्‍याए । पहिलो हाफमा नै तीन गोल गरेको नेदरल्याण्डले दोस्रो हाफमा भने गोल गर्न सकेन । दोस्रो हाफमा दुवै तर्फबाट गोल भएन ।