हुम्लाको ताजाकोट गाउँपालिका १ भतमुनामा गएराति भएको आगलागीमा २५ घर जलेर नष्ट भएका छन् ।

आगलागीबाट पूरै गाउँ जलेको स्थानीय प्रहरीले बताएको छ । ३० घर भएको भतमुनामा ५ घरमात्र आगलागीबाट बचेको छ ।

छाउगोठबाट सल्किएर भएको आगलागीमा परी २ जना सख्त घाइते भए पनि कसैको ज्यान भने गएन । आगलागी प्रभावित क्षेत्रमा कर्णाली प्रदेश मुुख्यमन्त्री महेन्द्रबहादुर शाहीलगायतको टोली अनुगमनमा पुगेको छ ।