फागुन २० – न्युक्यासल युनाइटेडलाई २–० गोल अन्तरले हराउँदै लिभरपुल इंग्लिस प्रिमियर लिग फुटबलको अंक तालिकाको दोश्रो स्थानमा उक्लिएको छ । 

 

गएरातिको खेलमा लिभरपुललाई जिताउन मोहम्मद सलाह र सादियो मानेले गोल गरे । नतिजापछि २९ खेलबाट ६० अंक बनाएको लिभरपुल दोश्रो स्थानमा छ । एक खेल कम खेलेको म्यान्चेष्टर सिटीको ७५ अंक छ । 

 

यो जितले लिभरपुललाई यस सिजन प्रिमियर लिगको शिर्ष ४ टीमभित्रै रहेर प्रिमियर लिग टुुंग्याउन सजिलो भएको छ ।

 

प्रतियोगितामा टोटनह्यामले हडर्सफिल्डलाई २–० ले, स्वान्सीले वेष्टह्यामलाई ४–१ ले बर्नलीले एभरटनलाई २–१ ले र वार्टफोर्डले वेष्टब्रोमलाई १–० ले हराएका छन् ।