स्पेनिस ला लिगमा लिड लिडर बार्सिलोनाले महत्वपूर्ण थप ३ अंक जाेडेकाे छ । गएराति भएको खेलमा अंक तालिकाको दोस्रो स्थानमा रहेको एथ्लेटिको मड्रिडलाई १-0 ले हराउँदै बार्सिलोनाले ८ अंकको अग्रता बनाएको हो ।

 

घरेलु मैदान नाउ क्याम्पमा भएको खेलमा गोलका धेरै अवसर खेर फालेको बार्सिलोनालाई जिताउन लियोनेल मेस्सीले खेलको २६ औं मिनेटमा गरेको गोल पर्याप्त भयो ।

 

नतिजासँगै ला लिगाको उपाधि जित्न बार्सिलोनालाई सहज भएको छ ।  २७ खेलबाट बार्सिलोनाको ६९ अंक छ भने २७ नै खेल खेलेको एथ्लेटिकोको ६१ अंक छ । 

टिमलाई महत्वपूर्ण जित दिलाउने गोल मेस्सीको खेल जीवनको ६ सयौं गोल हो । मेस्सीले अहिलेसम्म क्लबका तर्फबाट ५ सय ३९ र देशका तर्फबाट ६१ गोल गरेका छन् ।