स्टार खेलाडी अनुबन्ध गरे पनि यस सिजनमा आर्सनलले अपेक्षाकृत प्रदर्शन गर्न सकेको छैन । अझ पछिल्ला केही सातामा भने आर्सनलको प्रदर्शन बिर्सनलायक छ । पछिल्लो पाँच खेलमा उसले एउटामा मात्र जित हासिल गरेको छ । लगातार चौथो पराजय भाेग्न बाध्य छ ।

 

गएराति सम्मपन्न खेलमा पनि अार्सनल ब्रिङ्घटनसँग २-१ गालअन्तरले पराजित भएकाे छ । 

 

यस नतिजाले प्रशिक्षक आर्सेन वेंगरमाथि पद छाड्ने दबाब अझै बढेको छ । आइतबार आर्सनललाई हराउने क्रममा घरेलु टोली ब्रिङ्घटनका लागि लेविस डंक र ग्लेन मुर्रेले गोल गरेका थिए ।

 

यी दुईले खेलको सातौं र २६ औं मिनेटमा गोल गरेका थिए । पहिलो हाफको अन्त्यतिर उवामेयाङले एक गोल फर्काएका थिए । दोस्रो हाफमा ब्रिङ्घटनले आर्सनललाई गोल गर्ने अवसर नै दिएन ।

 

जितपछि ब्रिङ्घटन लिगको २८ खेलबाट ३१ अंकसहित १२ औं स्थानमा आएको छ । आर्सनल ४५ अंकसहित छैटौं स्थानमा यथावत् छ ।