इंग्लिस प्रिमियर लिगमा म्यान्चेस्टर युनाइटेड अपत्यारिलाे जित निकालेकाे छ ।

 

क्रिस्टल प्यालेसको मैदानमा भएको खेलमा नेमान्जा माटिकले अन्तिम समयमा गोल गरेपछि युनाइटेडले गुमाइसकेको खेलबाट तीन अंक जोडेको हो ।

खेलमा युनाइटेडले प्यालेसको दुई गोलको अग्रता उल्टाएको थियो । ११ औं मिनेटमा एन्द्रोज टाउन्सेन्डले गोल गर्दै प्यालेसलाई सुरुवाती अग्रता दिलाए ।

 

पहिलो हाफमा उक्त अग्रता रक्षा गरेको प्यालेसले ४८ औं मिनेटमा दोस्रो गोल गर्यो । गाेल प्याट्रिक भ्यान आनहोल्टले गरेका थिए । ५५ औं मिनेटमा क्रिस स्मलिङले गोल गर्दै प्यालेसको अग्रता छोट्याएका थिए । स्मलिङले भ्यालेन्सियाको क्रसमा गोल गरेका थिए ।

 

७६ औं मिनेटमा रोमेलु लुकाकुले गोल गर्दै खेल बराबरीमा पुर्याए । इन्ज्युरी समयमा नेमान्जा माटिकले गोल गरेपछि प्यालेसका समर्थक स्तब्ध भएका थिए ।
तालिकामा म्यान्चेस्टर युनाइटेडले २९ खेलबाट ६२ अंक बनाएको छ । प्यालेस भने २७ अंक सहित रेलिगेसन जोनमा छ ।