स्कटल्याण्डविरूद्ध आर्इसीसी एकदिवसीय विश्वकप छनोट प्रतियोगिताअन्तर्गत समूह चरणको खेलमा नेपालका कप्तान पारस खड्काले अाफ्नाे अर्धशतक पूरा गरेका छन् । यससँगै उनी लिस्ट ए खेलमा १००० रन पूरा गर्ने पहिलाे नेपाली खेलाडी पनि बनेका छन् ।

 

अाजकाे खेलमा कप्तान पारसले अाफ्नाे अर्धशतक पूरा गर्न ६८ बल खेले । उनले ७ चाैकाकाे मद्दतले लिस्ट 'ए'काे अाफ्नाे साताै अर्धशतक पूरा गरेका हुन् । उनी ६३ रन बनाउँदै अाउट भएका हुन् ।

 

 

यतिखेर नेपालले २९ अाेभरमा ७ विकेट गुमाउँदै १०६ रन बनाएकाे छ । अहिले राेहित कुमार र बसन्त रेग्मीले ब्याटिङ गर्दैछन् । 

 

जिम्बावेमा समूह चरणको दोस्रो खेलमा नेपालले स्कटल्याण्डसँग् खेल खेल्दै छ । आइतबार भएको समूहको पहिलो खेलमा नेपालले जिम्बाबेसँग ११६ रनको पराजय ब्यहोरेको थियो ।