च्याम्पियन्स लिगअन्तर्गत गएराति भएको प्रि–क्र्वार्टरफाइनलको दोस्रो लेगमा युभेन्टसले टोटेनह्यामलाई हराएकाे छ । 

 

उत्कृष्ट कमब्याक गर्दै युभेन्टसले टोटेनह्यामलाई समग्रमा चार–तीन गोल अन्तरले हराउँदै क्वार्टरफाइनलकाे यात्रा तय गर्याे । जसमा युभेन्टसले पहिलो लेगमा एक गोलले पछि परेको अवस्थामा टोटेनह्यामलाई पछि पारेको हो । 

 

गएरातिको दोस्रो लेगमा पनि युभेन्टसले टोटनहमको एक गोलको अग्रतालाई उल्ट्यायो । खेलको ३९ औ मिनेटमा सोन हियुङ मिनले टोटेनह्यामलाई अग्रता दिलाएका थिए । तर ६४ औ मिनेटमा गोञ्जालो हिगुइनले गोल गर्दै खेल बराबरीमा पुरयाए । 

 

त्यसपछि ६७ औ मिनेटमा पाउलो डिबालाले उत्कृष्ट गोल गर्दै युभेन्टसलाई अन्तिम आठमा पुर्याए । युभेन्टस पछिल्लो चार सिजनमा तेस्रो पटक च्याम्पियन्स लिगको क्वार्टरफाइनलमा पुगेको छ ।