अाजबाट तिलोत्तमा गोल्डकप फुटबल प्रतियोगिता सुरू
रुपन्देही । २० औं तिलोत्तमा गोल्डकप फुटबल प्रतियोगिता आजदेखि बुटवलमा सुरु हुँदै छ ।
एन्फा टेक्निकल सेन्टर देवीनगर बुटवलमा दिउँसो साढे ३ बजे प्रतियोगिता सुरु हुन लागेको हो । उद्घाटन खेलमा लाली रुपन्देही ११ र सुदूरपश्चिम फुटबल क्बलबीचमा प्रतिस्पर्धा हुनेछ ।
प्रतियोगितामा नेपालका विभागीय ३ टोलीसहित ‘ए’ डिभिजनका चर्चित १० टिमले सहभागिता जनाउँदै छन् । गोल्डकपको विजेताले नगद ७ लाख ७७ हजार ७ सय ७७ र उप–विजेताले ४ लाख ४४ हजार ४ सय ४४ रुपैयाँ प्राप्त गर्नेछन् ।
प्रतियोगिता चैत्र ३ गते सकिने आयोजक रुपन्देही जिल्ला फुटबल संघका अध्यक्ष दीर्घबहादुर केसीले जानकारी दिए ।
