ताप्लेजुङ । फुङलिङ नगरपालिका–७ ऐश्वर्यचोकमा आज बिहान आगलागीबाट एक घर जलेर नष्ट भएको छ । 

स्थानीय दिवाकर भट्टराईको घरमा आगलागी भएको हो । आगलागीका कारण झण्डै आठ लाख रूपैयाँ बराबरको क्षति भएको प्रारम्भिक अनुमान जिल्ला प्रहरी कार्यालय ताप्लेजुङले गरेकाे छ । 

बेलुकी करिब ११ बजे खाना खाएर सुतेको र बिहान ३ बजे अचानक आगलागी भएको आगलागी पीडित उदय भट्टराईले बताए । 

आगलागीले मानवीय क्षति भने नभएको बताइएको छ । आगलागी नेपाली सेना, नेपाल प्रहरी, सशस्त्र प्रहरी र स्थानीयको सक्रियतामा बिहान ४ः३० बजे नियन्त्रणमा आएको थियो । आगलागीपीडित भट्टराई बुबाको क्रियापुत्री बसेका थिए ।