दुई रात जेलमा बिताएर निस्केका बलिउड अभिनेता सलमान खानले अब प्रहरीहरुमाथि आधारित टीभी सिरियल बनाउने तयारी गरेका छन् । दबंग सिरिजका फिल्महरुमा प्रहरीको भूमिका निभाउने सलमानले बनाउने सिरियलको कथा प्रहरी अधिकारीहरुको जिन्दगी र उनीहरुको चुनौतिको वरिपरी रुमल्लिने छ ।

 

यस सिरियलका लागि लीड स्टार कास्ट पनि फाइनल भइसकेका छन् । मुम्बई मिररको समाचार अनुसार सलमानले यस सिरियलका लागि अभिनेता मुकुल देव र अभिनेत्री पूजा गौरलाई साइन गराएका छन् । मुकुलदेवले थुप्रै फिल्म र टीवी शोहरुमा काम गरिसकेका लोकपि्रय अभिनेता हुन् । हालै उनी टीवी सिरिज ‘२१ सरफरोशः सारगढी १८९७’ मा देखिएका थिए ।

 

अभिनेत्री पूजा गौर तीन वर्षपछि टीवीमा पुनरागमन गर्दैछिन् । यसभन्दा अगाडि उनले मेडिकल ड्रामा ‘एक नई उम्मीद रौसनी’ मा डाक्टरको भूमिका निभाएकी थिइन् । टीभी सिरियल ‘मनकी आवाज प्रतिज्ञा’ बाट उनी लोकप्रिय भएकी थिइन् ।

 

सलमान खानको सीरियलको स्त्रिmप्ट श्रीधर राघवनले तयार गरिरहेका छन् । राघवनले यसभन्दा अगाडिठ रोहन सिप्पीको फिल्म ब्लफमास्टर तथा राजकुमार सन्तोषीको फिल्म खाकी को कथा लेखेका थिए । सलमानको सिरियल आउँदो मे महिनादेखि अनएयर हुन सक्ने बताइएको छ ।

 

सलमानले थुप्रै फिल्महरुको सहनिर्माण गरिसकेका छन् । उनी लामो समयदेखि टीभी सिरियलमा हात हान्ल चाहन्थे । उनी चाँडै नै रियालिटी शो ‘दसका दम’ होस्ट गर्ने तयारीमा छन् ।

सलमान खान टीभी सिरियल