काठमाडौं । एनसेल प्राइभेट लिमिटेडले ‘फ्यूल योर फन’ योजना अन्तर्गत आफ्ना ग्राहकका लागि अल टाइम डेटा प्याकलाई थप सुलभ बनाउँदै ‘सही’ डेटा प्याक सार्वजनिक गरेको छ ।

 

यस नयाँ ‘सही’ डेटा प्याकमा ग्राहकले विद्यमान अल टाइम डेटा प्याकभन्दा १० गुणा बढि डेटा प्राप्त गरी थप सुलभ दरमा चौबिसै घन्टा ईन्टरनेटमा पहुँचका साथै  बोनस स्वरुप दैनिक एक घन्टा निःशुल्क भिडियो स्ट्रिमिङको सुविधा पाउने एनसेलले जनाएको छ ।

 

‘सही’ डेटा प्याक यहि चैत्र २९ गते बिहीबार देखि लागु हुनेछ । यो डेटा योजना अन्तर्गत एनसेलका ग्राहकले आधा जिबि देखि १५ जिबिसम्मको १ दिन देखि ३० दिन सम्मको समयावधिका चौबिसै घन्टा चलाउन सकिने अल टाइम डेटा प्याकहरु रु ३९ देखि रु ७९९ सम्ममा सुचारु गर्न सक्ने एनसेलले जनाएको छ ।

 

ग्राहकले १ दिन समयावधि रहेको आधा जिबिको सही डेटा प्याक करसहित मात्र रु ३९ मा सुचारु गर्न सक्नेछन्, भने तीनदिन समयावधि रहेको १.५ जिबि डेटा करसहित रु ९९, सात दिन समयावधि रहेको ३.५ जिबि डेटा करसहित रु १९९ र तीस दिन समयावधि रहेको १५ जिबि डेटा कर सहित रु ७९९ मा सुचारु गर्न सक्नेछन् । 

 

सही प्याक लिएका ग्राहकले आफूले लिएको प्याक अवधिभर दैनिक एक घन्टा निःशुल्क भिडियो स्ट्रिमिङको सेवा लिन सक्ने कम्पनीले विज्ञप्तिमार्फत जनाएको छ ।

यो योजना अन्तर्गतको निःशुल्क भिडियो स्ट्रिमिङमा आईफ्लिक्स, युट्युब ,युट्युब गो तथा एनसेलको अरु भिडियो प्लेटफर्म (नेट टिभि, भियुक्लिप, लाइफस्टाइल पोर्टल, फन स्टोर पोर्टल, स्पोर्टस् पोर्टल) मा रहेका भिडियो कन्टेन्ट हेर्न सक्नेछन् । ग्राहकले गुगलको सेवा जस्तै प्ले स्टोर, म्याप आदिका लागि पनि यो निःशुल्क भिडियो स्ट्रिमिङ सुविधाको प्रयोग गर्न सक्नेछन् । 

 

‘सही’ डेटा प्याक एनसेलको टु जी, थ्रि जी तथा फोर जी सबै नेटवर्कका लागि मान्य रहेको छ । ग्राहकले एस्ट्रिक्स १७१२३ ह्यास डायल गरी ‘६’ छनोट गरेर आफ्नो आवश्यकता बमोजिमको सही डेटा प्याक लिई अफरको लाभ लिन सक्नेछन् । त्यस्तै ग्राहकहरुले एसएमएसबाट तथा एनसेल एपबाट पनि यो सेवा सुचारु गर्न सक्नेछन् । 

एनसेल ‘सही’ डेटा प्याक बोनस