चिनियाँ राजदूतले गरिन् भारतीय सीमा नजिकका मुसहर बस्तीको अनुगमन (तस्विरसहित)
इनरुवा। गत साउनमा अविरल वर्षासगैँ आएको बाढीले तराईका जिल्लामा बसोबास गर्नेलाई घरबार विहनि मात्रै बनाएन, धेरैको ज्यान समेत लियो । अहिले ९ महिना चल्दैछ तर अहिले पनि बाढीपिडितले खेपेको पीडा अहिले सम्म मेटिएको छैन । बाढीबाट पिडित भएका घरपरिवारहरुलाई अझैँपनि लत्ताकपडा, खाध्यन्न, र बसोबासको अभाव छ ।
बाढीले गर्दा तराईमा बसोबास गर्ने विषेशगरी दलित, गरिब, एकल महिला तथा ज्येष्ठ नागरिकहरुलाई अहिले सम्म सम्स्यै स्मस्या रहेको भोक्राहा नरसिंह स्थानिय मरिक समुदायका शिवन डोमको भनाइ रहेको छ । स्थानिय डोमकाअनुसार बाढीपिडितहरुको नाममा आएको राहत पहुचवलाहरुले मात्र पाएको छ ।
त्यस्तै कोशी गाउँपालिकाका बाढीपिडितहरुका लागि गणतन्त्र चीनको सहयोगमा बाढी पिडित सहयोग कार्यक्रम अन्तरगर्त कोशीमा सन्तोषजनक रुपमा चीनियाँ सरकारले वितरण गरेको रहात वितरण भएको छ ।
बाढी पिडितहरुका लागि गणतन्त्र चीनको सहयोगमा बाढी पिडित सहयोग कार्यक्रम अन्तर्गत एक घर बराबर ऊनी पछ्यौरा २ थान, उनी कम्बल २ थान, बिर्को सहितको प्लाष्टिकको बाल्टी र मग एक एक थान, भाँडाकुडाँ अल्मुनियमका भाँडा ३ थान, खाना खाने प्लेट ३ थान, कप २ थान, डाडु र प्न्यु एक एक थान, किटानु प्रतिरोधि एवम् टिकाउ झुल २ थान, धुवाँरहित खाना पकाउने स्टोभ एक थान, फिल्टर एक थान, स्वच्छता सामग्रीहरु दुई महिनालाई पुग्ने समानहरु वितरण गरेका थिए ।
वितरण गरिएको समग्रीहरु कतिको सदुपयोग भए नभएको चेक जाँच गर्न शनिबार चीनको राजदुत यु हाङ्गले भोक्राहा नरसिंह वडा नं. ४ र कोशी गाउँपालिका वडा नं. १ लौकहीको मुसहर बस्तीमा अनुगमन गरिएको छ । सो चीनियाँ राजदुत यु हाङ्ग जिल्ला प्रहरी कार्यालय सुनसरीका प्रहरी निरिक्षक शेषराज थान्दार र शसस्त्र प्रहरी बल लौकहीका इन्चार्ज राजेश श्रेष्ठ, कोशी गाउँपालिका वडा नं. १ का वडाध्यक्ष राजु साह, भोक्राहा नरसिंह गाउँपालिका वडा नं. ४ का वडाध्यक्ष हारुण अंसारी लगायतको सहभागीता रहेको थियो ।
