काठमाडाैं । इण्डियन प्रिमियर लिग  (आईपीएल) क्रिकेटमा चेन्नई सुपरकिङ्स रोमाञ्चक जीतसहित शीर्ष स्थानमा उक्लिएको छ । खेलेका पाँचमध्ये चार खेल जित्ने क्रममा चेन्नईले सनराइजर्स हैदाराबादलाई चार रनले हराएको हो । 

 

१ सय ८३ रनको लक्ष्य पछ्याएको हैदराबादले ६ विकेट गुमाएर १ सय ७८ रन मात्र बनाउन सक्यो । केन विलियम्सनले ८४ र यूसुफ पठानले ४५ रन बनाए पनि टिमलाई जिताउन सकेनन् । चेन्नईका दीपक चाहरले तीन विकेट लिए ।

 

पहिले ब्याटिङ गरेको चेन्नईले अम्बाती रायडुको ७९ र सुरेश रैनाको ५४ रनको मद्दतमा ३ विकेट गुमाएर १ सय ८२ रन बनाएको थियो । जीतसँगै चेन्नई ८ अंक सहित अंकतालिकाको पहिलो स्थानमा उक्लिएको छ ।

आईपीएल  चेन्नई सुपरकिङ्स शीर्ष स्थान