काठमाडौं ।  इण्डियन प्रिमियर लिग (आईपीएल)मा दिल्ली डेयर डेभिल्स किग्स इलाभेन पञ्जाबसँग पराजित भएकाे छ । दिल्ली आफ्नै मैदानमा  पनि पन्जाबसँग ४ रनले पराजित भएकाे हाे ।

 

फिरोज शाह कोटला मैदानमा टस हारेर व्याटिङ गरेको पन्जाबले निर्धारित २० ओभरमा ८ विकेट गुमाउँदै १ सय ४३ रन बनाएको थियो । पञ्जावका लागि करण नायरले सर्वाधिक ३४ रन बनाए । 

 

यस्तै डेभिड मिलरले २६, लोकेस राहुलले २३, मायंक अग्रवालले २१ र युवराज सिंहले १४ रन जोडे । बलिङतर्फ दिल्लीका लियाम प्लंकेटले सर्वाधिक ३ विकेट लिए । अवेश खान र ट्रेन्ट बोल्टले २–२ विकेट लिए ।

 

१४४ रनको सस्तो लक्ष्य पछ्याएको दिल्ली ८ विकेट गुमाउँदा १३९ रनमा समेटियो । दिल्लीका लागि श्रेयस ऐयरले सर्वाधिक ५७ रन बनाएका थिए । राहुल टेवाटियाले २४, पृथ्वी शाले २२ र ग्लेन म्याक्सवेलले १२ रन बनाएका थिए ।

 

बलिङतर्फ पन्जाबका अंकित राजपुत, एन्ड्र्यू टाई र मुजिब उर रहमानले २–२ विकेट लिए । दिल्लीमाथि जित हात पारेको पन्जाब १० अंकसहित आईपीएलको शीर्ष स्थानमा छ ।

 
 

आईपीएल दिल्ली पराजित