काठमाडौं । विश्व हिन्दु महासंघ अन्तर्राष्ट्रियका महासचिव अस्मिता भण्डारीले नेपाल राष्ट्रको निर्माण, सुरक्षा र सार्वभौम रक्षामा वगाले थापाहरुको विशिष्ट योगदान रहेको बताएकी छन् । 

 

गुल्मीको मदाने–६ स्थित बगाले थापा कुल मन्दिरको उद्घाटन गर्दै महासचिव भण्डारीले भिमसेन थापा, भक्ति थापा, अमरसिंह थापा, माथवरसिंह थापालगायत वीर योद्धाहरुको नाम नेपाली इतिहासमा सुनौला अक्षरले लेखिएको उल्लेख गरिन् । 

 

पछिल्लो समय नेपालीहरुको सांस्कृतिक पहिचानमा धर्मान्तरणले चुनौती सिर्जना गरेकोले युवाहरु एक भएर धर्म रक्षार्थ उभिनु पर्नेमा महासचिव भण्डारीले जोड दिइन् । महासचिव भण्डारीको प्रमुख आतिथ्यमा आयोजित मन्दिर उद्घाटन समारोहमा हिन्दु स्वयंसेवक संघका धु्रवराज लुइँटेल, मदाने गाउँपालिकाका प्रमुख शेरबहादुर केसी, स्थानीय सुरक्षा प्रमुखहरु, विभिन्न राजनीतिक दलका प्रतिनिधि, बगाले थापा कुलका विशिष्ट व्यक्तिहरुको उपस्थिति थियो । 

 

मन्दिर स्थापनामा योगदान दिनुहुनेहरुलाई प्रमुख अतिथी भण्डारीले प्रमाणपत्र प्रदान गरेकी थिइन् 
।