काठमाडाैं । आर्इपीएल  क्रिकेटमा कोलकाता नाइटराइडर्सले किङ्स इलाभेन पञ्जावलाई ३१ रनले हराएकाे छ । २ सय ४६ रनको ठुलो लक्ष्य पाएको पञ्जाबले ८ विकेट गुमाउँदै २ सय १४ रनमात्र बनाएपछि कोलकाता ३१ रनले विजयी भएको हो ।

 

पञ्जावका लागि लोकेश राहुल र रविचन्द्रन आश्विनले क्रमश ६६ र ४५ रन बनाउँदै विष्फोटक ब्याटिङ गरेपनि टीमलाई जिताउन सकेनन् । लोकेशले २९ बलमा ७ छक्का र २ चौकाको मद्दतमा ६६ र आश्विनले २२ बलमा ४ चौका र ३ छक्काको मद्दतमा ४५ रन बनाएका थिए ।

 

एरोन फिन्चले २० बलमा ३४ रन बनाएपनि पञ्जावको जीतका लागि पर्याप्त भएन । पहिले ब्याटिङ गरेको कोलकाताका सुनिल नाराइनले ३६ बलमा ७५ तथा कप्तान दिनेश कार्तिकले २३ बलमा ५० र आन्द्रे रसेलले १४ बलमा ३१ रन बनाएका थिए ।

 

सुनिलले ९ चौका र ४ छक्का प्रहार गरे भने कार्तिकले ५ चौका र ३ छक्का प्रहार गरे । यस्तै रसेलले २ चौका र ३ छक्का हाने । पञ्जाबका लागि एण्डयु टाइले ४ विकेट लिए । 

 

जीतपछि कोलकाता १२ खेलबाट १२ अंक सहित  तालिकाको चौथो स्थानमा छ भने ११ खेलबाट १२ अंक बनाएको पञ्जाव तालिकाको तेश्रो स्थानमा छ ।